ИҶТИМОЪ
ОБ ГАНҶЕСТ БЕБАҲО
- Подробности
-
13 Сен 2018
- Опубликовано 13.09.2018 16:01
Об омили муҳими ҳаёт дар рӯйи Замин ба шумор меравад. Об сарчашма ва манбаи ҳаёт, асоси зиндагӣ, саломатӣ ва зебоӣ буда, муъҷизаи беҳамто, неъмати бебаҳои табиат мебошад. Ба ақидаи баъзе олимони дунё, ҳаёт аввал дар об пайдо шудааст. Чор унсури муҳими ҳаёт: хоку оташу бод ва об барои инсоният аз ҳама муқаддасанд. Дар маънавиёту ахлоқ ва фарҳанги мо таваҷҷуҳ ба об, ташнаеро об додан, сарзаминеро сероб гардонидан, биёбонеро ба гулистон табдил додан, обу ободонӣ ва некукорӣ аҳамияти бузурги ахлоқию тарбиявӣ дорад.
БАХТИ БАЛАНД
- Подробности
-
13 Сен 2018
- Опубликовано 13.09.2018 13:57
Нисфи зиёди умри банда дар даврони шӯравӣ гузашту бо обу нони ҳамон давр хондему ба воя расидему маълумоти олӣ гирифтем, соҳиби мансабҳои баланд шудем, ба нафъи халқу Ватан алоқадри қуввату ғайрати дониш хизмат кардем. Бахти тоҷик ҳам баландӣ карду мисли дигар ҷумҳуриҳои собиқ Иттифоқи Советӣ соҳиби давлати мустақил гардидем. Воқеан, ин бахти баланд аст! Давлати мустақил барои шаҳрвандонаш имкониятҳои фаровон медиҳад, то озодона таҳсил кунад, сухан гӯяд ва аз дигар имтиёзҳои муқарраркардаи Конститутсия баҳра бардорад.
ДАСТАТ ШИКАНАД САНГШИКАН!
- Подробности
-
14 Авг 2018
- Опубликовано 14.08.2018 14:46
Мардуми тоҷик одати хуби ба оромгоҳҳои гузаштагони худ рафтану манзили охирати эшонро зиёрату ба тартиб дароварданро дорад. Рӯзҳои иди Рамазону Қурбон зиёрати дастҷамъии мардум ба оромгоҳҳо сурат мегирад. Бо мақсади зиёрати марқади наздиконам рӯзе пештар аз баргузори Иди саиди фитр аз оромгоҳи деҳаи Сари Чашма дидан кардам. Ростӣ, кас аз дидани ободкориҳои оромгоҳ, чун девор бардоштани атрофи қабристон, васли панҷараҳои зебову бунёди роҳраву гулгашти назди мақбараи Хоҷаи Ҳотам шод мегардад ва ба онҳое, ки чунин кори хайру савобро пеша кардаанд сано мехонад. Аммо дидани манзараи харобгардонидани санги мазори баъзеи хуфтагони ин оромгоҳ касро дар шигифт мегузорад….
МУКОФОТИ ДАВЛАТӢ МУБОРАК!
- Подробности
-
12 Сен 2018
- Опубликовано 12.09.2018 14:20
Сафарбек Нурзода, яке аз чеҳраҳои сиёсии даврони шӯравӣ ва имрӯз дар сатҳи ноҳия, тибқи Фармони Президенти Ҷумҳурии Тоҷикистон ба медали «Хизмати шоиста» шарафёб гардид. Аз хизматчиёни давлатии ноҳия ӯ ягона шахсест, ки ба шарафи ҷашни 27-солагии Истиқлолияти давлатии Тоҷикистон сазовори ин мукофоти давлатӣ гардидааст.
Ин мукофотро 30 август дар Қасри миллат Асосгузори сулҳу ваҳдати миллӣ-Пешвои миллат, Президенти Ҷумҳурии Ҷумҳурии Тоҷикистон муҳтарам Эмомалӣ Раҳмон дар вазъияти тантанавӣ ба ӯ супурд.
Сафарбек Нурзода, ки алҳол мудири шуъбаи рушди иҷтимоӣ ва робита бо ҷомеа мебошад, фаъолияти меҳнатиашро дар идораҳои сиёсӣ аз мушовири кумитаи комсомол оғоз намуда, аз рӯи дониши мукаммал, тавоноии ақлу фаросат зина-зина боло рафт. Воқеан, ӯ донишкадаи омӯзгории Кӯлобро бо дипломи сурх тамом карда, дар тӯли фаъолияти меҳнатиаш пайваста дар талоши хондану омӯзиш аст. Ҳар ҷое кор кардааст, барои иҷрои супоришу вазифаҳо ғайрату неру ва донишаш басандагӣ карда, аз ҳамин ҷиҳат соҳиби иззату икром шудааст.
Ҳар касе аз ин мукофоти давлатӣ хабардор шуд, ӯро сидқан муборакбод кард.
М. ТАЛЪАТ, «НФ».
ИН МУАССИСА ҲУНАР ЁД МЕДИҲАД
- Подробности
-
13 Авг 2018
- Опубликовано 13.08.2018 08:50
Муассисаи давлатии мактаби санъати ба номи Дӯстмурод Алиев панҷоҳ сол пеш бо номи «Мактаби мусиқии бачагонаи ноҳияи Файзобод» ба фаъолият оғоз кард. Боре Ҳабибулло Мирзошарифов, ҳунарманди шинохтаи Тоҷикистон, гуфт, ки ӯ дастпарвари ҳамин муассиса аст. Ҳайати имрӯзаи таълимдиҳандагони мактаб изҳори хурсандӣ менамоянд, ки бо чунин шахси фозил кор мекунанд. Мақсади бо директори муассиса Ҷаҳонгул Аслонова мусоҳиб шудани мо, ки огоҳӣ ёфтан аз фаъолияти ин мактаби ҳунар буд, сухан аз Ҳабибулло Мирзошарифов оғоз шуд.
ИСТИҚЛОЛИЯТ: НИГОҲЕ БА БУРДИ ДАҲСОЛАҲО
- Подробности
-
12 Сен 2018
- Опубликовано 12.09.2018 13:36
Соҳиби Истиқлолияти давлатӣ гардидани Тоҷикистон барои рушди ҳамаҷонибаи кишвар мусоидат намуд. Пешравиҳое, ки имрӯз дар соҳаҳои иҷтимоиву иқтисодӣ ва маънавию фарҳангӣ ба даст омадаанд, бе Истиқлоияти давлатӣ тасаввурнопазир буданд. Аз ҷумла се даҳсолаи соҳибистиқлолӣ дар ноҳияи мо низ, агар муҳиту муҳлати мавҷударо ба назар гирем, дастовардҳои беназир ба амал омаданд. Атрофи дастовардҳои ин се даҳсола андешаҳои чанде аз фаъолони ноҳияро манзури хонанда хоҳем кард.
ЗАҒИРИ ФАЙЗОБОД КАЙ ТАМҒАИ САНОАТӢ МЕГИРАД?
- Подробности
-
10 Июль 2018
- Опубликовано 10.07.2018 13:35
Хонаи тоҷикро бе шакароб тасаввур кардан метавон? Ҳар гоҳ ки модарон хамир мекунанд, фатир ҳам мешӯранд, то шакароб тайёр кунанд. Агар он дӯғӣ нею бо обу равғани зағир омода гардад, чӣ қадар таъми хуш медиҳад?! Ё вақте гардсӯз (ордбирён) ба сифати субҳона бо равғани зағир пухта мешавад, лаззаташ дар даҳон мешинад ва бӯйи хуши он дер гоҳ боқӣ мемонад. Оши ба равғани зағир ҳам ҳузуру ҷони касест, ки гирифтори дарди фишорбаландӣ набошад.
Т А Б Р И К О Т
- Подробности
-
20 Авг 2018
- Опубликовано 20.08.2018 10:03
Т А Б Р И К О Т И
РАИСИ НОҲИЯ, УЗВИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН МУҲТАРАМ МИРАЛӢ РАҶАБЗОДА БАХШИДА БА ТАҶЛИЛИ ИДИ САИДИ ҚУРБОН
Ҳамдиёрони азиз! Ҳамасола мусулмонони мамлакат дар як фазои орому осуда, бо шукргузорӣ аз сулҳу суббот ва ҳаёти осоишта яке аз идҳои мазҳабии худ - иди саиди Қурбонро таҷлил менамоянд. Ба ин муносибат тамоми сокинони шарафманди ноҳияро табрик мегӯям.
ҲУНАРМАНДОНИ СЕРМАҲСУЛ
- Подробности
-
09 Июль 2018
- Опубликовано 09.07.2018 10:23
Бо ташаббуси Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соли 2018 «Соли рушди сайёҳӣ ва ҳунарҳои мардумӣ» эълон гардид.
Дар ҳашт деҳаи ҳудуди ҷамоати калонтарини ноҳия - ҷамоати деҳоти Мискинобод низ ҳунармандон ба офаридани асбобҳои мусиқӣ - най, ғижак, рубобу дутор, думбра, дойра, ҳамчунин табақ, қошук, кафлес ва ғаӣра машғуланд.